Evelına Ejova Tashkenttegi Challenge Cup týrnırinde top jardy
ASTANA. KAZINFORM — Sporttyq gımnastıkadan Qazaqstan quramasynyń ókili Evelına Ejova Ózbekstannyń Tashkent qalasynda ótip jatqan Challenge Cup kezeńiniń jeńimpazy atandy. Bul týraly UOK habarlady.
Otandasymyz gımnastıkalyq bórenede oryndalatyn jattyǵýda altyn medal jeńip aldy.
Fınalda Evelına Ejova 12,850 upaı jınady.
Ekinshi oryndy horvatııalyq Tına Zelchıch (12,650) ıelense, ózbekstandyq Dıldora Arıpova (12,450) qola júldege qol jetkizdi.
Sondaı-aq, 24 mamyr kúni Dııas Toıshybek kermedegi jattyǵýda kúmis medal enshiledi. Al Altynhan Temirbek qol tirep sekirý baǵdarlamasynda úshinshi oryn aldy.
Osylaısha, Qazaqstan quramasynyń qorjynynda bes medal bar. Buǵan deıin Emıl Ahmedjanov erkin jattyǵýda top jarsa, Dııas Toıshybek at snarıadyndaǵy jattyǵýda qola medal ıelengen edi.
Aıta ketelik Qazaqstan quramasy kórkem gımnastıkadan komandalyq kópsaıysta kúmis júlde ıelengen edi.
