Eýropanyń kóp bóligin qar basyp qaldy
Nıderlandtyń KNMI meteorologııa bıýrosy eldiń jaǵalaýdaǵy aýdandarynda aýa raıyna baılanysty eskertýdiń «sary kodyn» jarııalady. Onda qalyń qar jaýady jáne joldarda kóktaıǵaq bolady dep boljanǵan, dep habarlaıdy Kazinform agenttiginiń menshikti tilshisi.
Senbi kúni Eýropanyń kóp bóligin qar basyp qaldy, al nemistiń Mıýnhen qalasyndaǵy áýejaı jabylyp, 700-den astam reıs toqtatyldy.
Aýstrııa men Shveıtsarııada da juma kúni 50 santımetrge deıin qar jaýyp, qıyndyq týyndady. Anglııa men Shotlandııanyń keı bólikterinde de qys qaharyna mindi.
Nıderland sınoptıkteriniń dereginshe, qalyń qar ásirese eldiń soltústiktegi provıntsııalaryna jaýyp, bıiktigi bes santımetrge jetýi múmkin. Dúısenbi kúni de jaýyn-shashyn bolady, biraq sodan keıin temperatýra birtindep joǵarylaı bastap, qardy jańbyr almastyrady.
Osyndaı kún raıy Belgııada da bolady. Eldegi Batys jáne Shyǵys Flandrııada kóktaıǵaq bolýy yqtımal. Sondaı-aq qar jaýyp (1-3 sm aralyǵynda), ásirese batysta kóktaıǵaq bolady degen boljam bar.
