Eýropalyq baǵyttaǵy KonCENcýs
Bul týraly QazAqparat QR Saýda jáne ıntegratsııa mınıstrliginiń baspasóz qyzmetine silteme jasap habarlaıdy.
CEN jáne CENELEC-tiń jahandyq mindeti Eýropamen ekonomıkalyq yntymaqtastyqqa qyzyǵýshylyq tanytatyn elder arasyndaǵy standarttar men tehnıkalyq talaptardy úılestirý esebinen álemdik saýdadaǵy tehnıkalyq kedergilerdi azaıtý bolyp tabylady.
Uıymdar standarttaý máseleleri boıynsha memleketter arasynda belsendi dıalogty qoldaıdy jáne Qazaqstannyń osy protseske qatysýy óndiris pen ónerkásip úshin Eýropalyq modeldiń talaptarymen úndesetin standarttardy qabyldaýǵa yqpal etedi.
24 maýsymda CEN jáne CENELEC onlaın-otyrysynda Qazaqstan atynan Investıtsııalar jáne damý mınıstrligi Tehnıkalyq retteý jáne metrologııa komıtetiniń sarapshylary ókildik etti. Dıalog alańy boıynsha álemniń túrli elderinen 200-ge jýyq ókil seriktes boldy.
Sessııa barysynda kópshilik daýyspen Brexit yqpalymen jáne EO-nyń basqa elderiniń zańnamalaryndaǵy ózgeristermen baılanysty CEN jáne CENELEC Jarǵylaryna ózgerister qabyldandy.
Taraptar CEN/CENELEC múshesi bir elden bir ǵana ókili bolýy múmkin degen erejeni bekitti. CEN jáne CENELEC-ke kirýdiń qajetti sharty sáıkesinshe ISO (Standarttaý jónindegi halyqaralyq uıym) jáne IEC (Elektrlik, elektrondyq jáne sabaqtas tehnologııalar salasyndaǵy standarttaý jónindegi halyqaralyq elektrotehnıkalyq komıssııa) músheligi bolyp tabylady.
Sondaı-aq, CEN/CENELEC qabyldaǵan EN Eýropalyq standarttaý komıtetiniń barlyq standarttaryn ulttyq deńgeıde múshe elder mindetti túrde beıimdeý máselesi boıynsha konsensýsqa qol jetkizildi.
Sessııaǵa qatysýshylar saıasat júrgizý jáne CEN jáne CENELEC tehnıkalyq keńesteri boıynsha vıtse-prezıdentterdiń esepterin qabyldady. Osydan keıin CEN jáne CENELEC Strategııasynyń 2030 jylǵa deıingi bes negizgi basymdyqtaryn talqylaýǵa kóp kóńil bólindi.
Olardyń qatarynda Eýropalyq Odaqtyń jáne EFTA Eýropalyq erkin saýda qaýymdastyǵynyń eýropalyq standarttaý júıesiniń strategııalyq qundylyǵyn moıyndaýy bar. Bul óz kezeginde qurylys, materıaldar óndirisi, mashına jasaý jáne kólik sııaqty salalarda saýda men almasýdy jandandyrýǵa aıtarlyqtaı áser etýi múmkin.
Kelesi basymdyq-CEN/CENELEC sheńberinde tsıfrlandyrý boıynsha tıimdi sheshimder, olardyń ózektiligi halyqaralyq almasýdaǵy fızıkalyq kedergiler serpini jaǵdaıynda tek arta túsedi.
Kún tártibindegi mańyzdy másele CEN jáne CENELEC qujattaryna suranystyń artýyn qanaǵattandyrý jáne olar týraly múddeli elderdiń kóptegen paıdalanýshylarynyń habardarlyǵyn arttyrý boldy.
Qatysýshylar CEN jáne CENELEC júıesiniń eýropalyq standarttaýdaǵy kóshbasshylyǵyn jáne olardyń halyqaralyq deńgeıdegi yqpalyn kúsheıtýdi rastady, uzaq merzimdi perspektıvada atalǵan basymdyqtardyń árqaısysy boıynsha tıimdiliktiń negizgi kórsetkishterin belgileý qajettiligimen kelisti.
Bizdiń el seriktes organ retinde CEN jáne CENELEC-te 2014 jyldyń 1 maýsymynan bastap usynylǵan. Eýropalyq standarttaý týraly EO № 1025/2012 reglamentine sáıkes eýropalyq standarttardy ázirleý boıynsha Eýropalyq odaq ýákiletti organdar retinde resmı tanylǵan uıymdarmen seriktestik bizdiń elimiz úshin strategııalyq mańyzdy.
CEN jáne CENELEC «úılestirilgen» dep atalatyn standarttardy qabyldaıdy, sonyń ishinde Qazaqstannyń qabyldaýyna járdemdesedi, sonyń arqasynda ónimniń eýropalyq reglamentterge nemese dırektıvalarǵa mindetti qaýipsizdik talaptarynyń saqtalýyn jáne «sáıkestik prezýmptsııasyn» qamtamasyz etedi. Mundaı ónimdi eýropalyq naryqta jáne CEN/CENELEC qatysýshy elderdiń naryqtarynda ótkizý perspektıvalary aıtarlyqtaı keńeıýde.
Qazaqstannyń CEN jáne CENELEC-ke qatysýy eýropalyq standarttardy ulttyq standarttar retinde qabyldaýǵa, CEN jáne CENELEC standarttary men jarııalanymdarynyń bazasyna tikeleı qol jetkizýge, tehnıkalyq organdardyń qyzmetine jáne CEN/CENELEC basqarýshy organdarynyń otyrystaryna baqylaýshy retinde qatysýǵa múmkindik beredi.
Búgingi tańda Qazaqstanda EN negizinde 1161 ulttyq standart qabyldandy, onyń ishinde-qurylys salasyndaǵy eýrokodtar. «Qazaq qurylys jáne sáýlet ǵylymı-zertteý jáne jobalaý ınstıtýty» AQ qazaqstandyq sarapshylary CEN 250 «Qurylys eýrokodtary» jáne 340 «Seısmıkaǵa qarsy qurylǵylar» tehnıkalyq komıtetiniń jumysyna qatysýda
Budan basqa, CEN jáne CENELEC uqsas standarttardy qabyldaýǵa jáne Keden Odaǵy elderimen, atap aıtqanda, qurylys jáne elektr tehnıkalyq sektor sııaqty salalarda dıalogty damytýǵa kóp járdem kórsetedi.
