Eýropadaǵy mıgratsııalyq daǵdarys EQYU Parlament Assambleıasynda talqylanyp jatyr

ASTANA. QazAqparat - QR Parlamenti delegatsııasy Berlınde Eýropa Qaýipsizdik jáne Yntymaqtastyq Uıymy Parlamenttik Assambleıasynyń jyl saıynǵy 27-shi sessııasyna qatysyp jatyr, dep habarlaıdy QazAqparat tilshisi QR Parlamenti Senatynyń baspasóz qyzmetine silteme jasap. 

Qazaqstandyq delegatsııa quramynda Senat depýtattary Tóleýbek Muqashev, Dýlat Qusdáýletov, Mıhaıl Bortnık, sondaı-aq Májilis depýtattary Svetlana Bychkova men Quralaı Qaraken bar.

7-11 shilde aralyǵynda ótip jatqan Berlın sessııasy «EQYU aıasynda mindettemelerdiń oryndalýy: parlamentterdiń róli» taqyrybyna arnalǵan.

8 shildedegi plenarlyq otyrys barysynda Reıhstag tarıhı ǵımaratynda Uıymǵa qatysýshy elderdiń parlament músheleri EQYU aımaǵynda uzaqqa sozylǵan qaqtyǵystar, Eýropadaǵy kóshi-qon daǵdarysy, terrorızmge qarsy kúres, áıelderdiń quqyqtary men múmkindikterin keńeıtý jáne olardyń shıelenisterdiń aldyn alýǵa jáne sheshýge qatysý máselelerin talqylady.

EQYU PA sessııasyna qatysýshylar Uıym qaǵıdalaryna, sonyń ishinde shıelenisterdiń beıbit jolmen sheshilýine, memleketterdiń egemendik teńdigi men olardyń aýmaqtyq tutastyǵyna, halyqaralyq quqyq normalarynyń saqtalýyna sáıkestigin rastady.