Eýropada gaz qymbattap jatyr

ASTANA.KAZINFORM - 18 qarashadaǵy saýda-sattyq qorytyndysy boıynsha Eýropadaǵy gazdyń bırjalyq baǵasy myń tekshe metr úshin 2% ósip, 516 dollarǵa jetti. Bul týraly Kazinform-nyń menshikti tilshisi habarlaıdy.

ISE bırjasynyń málimeti boıynsha, TTF (Nıderlandyda ornalasqan Eýropadaǵy eń iri hab) ındeksi boıynsha jeltoqsan aıyndaǵy fıýcherster myń tekshe metrge 490,7 AQSh dollarymen (-3,4%) ashyldy. Bul 18 qarasha kúngi eń tómengi baǵa boldy.

Sońǵy fıýcherster 516,1 dollardan (+1,6%) saýdalandy.

Ótken jyly Eýropada gazdyń ortasha bırjalyq baǵasy myń tekshe metrge shamamen 460 dollardy qurady. Bıylǵy jyldyń birinshi jartyjyldyǵynda baǵa turaqty boldy, birinshi toqsanda ortasha eseppen 310 dollardy, al ekinshi toqsanda shamamen 355 dollardy qurady, bul 2021 jyldyń mamyr-maýsym aılarynyń deńgeıine sáıkes keledi.

Úshinshi toqsandaǵy ortasha baǵa 405 dollarǵa deıin ósti.