Eýropa stýdentteri elordada jazǵy mektepte bilim alady
«Álem jahandaný dáýirin bastan keshirip jatyr. Endigi ýaqytta biz bir eldiń, bir ulttyń aıasynda ómir súre almaımyz. Jahandaný áleminde ómir súremiz. Ortaq syn-tegeýirindermen, problemalarmen, mindettermen betpe-bet kelemiz. Menińshe, túrli elderdegi konstıtýtsııalyq zańdy damytýǵa qatysty qoldanatyn ádister ortaq. Óıtkeni, birdeı problemalarǵa jolyǵyp jatamyz. Al bul problemalar dıalog arqyly jáne ortaq is-qımyl qabyldaý jolymen sheshilýi tıis. Qalaı desek te, bul áskerı is-qımyldan jaqsy», - dedi mektepdiń ashylýynda Qazaq memlekettik zań ýnıversıtetiniń ǵylymı jumystar jónindegi prorektory Mıras Dáýlenov.
QazMZÝ Joǵary quqyq mektebiniń dırektory Sergeı Penniń aıtýynsha, jazǵy mektepke 20 sheteldik jáne 12 jergilikti stýdent qatysady.
«Olar 1 apta boıy Germanııa, Avstrııa, Chehııa, Polsha, Vengrııa elderinen kelgen jetekshi professorlardan sheberlik sabaǵy men dáris túrinde daıyndyqtan ótedi. Odan keıin olar jumys toptaryna bólinip, konstıtýtsııalyq model túrindegi óz mindetterin oryndaıtyn bolady. Olar memlekettiń konstıtýtsııalyq qurylymynyń ózindik modelin qurýǵa tyrysyp, bılik tarmaqtaryn aıqyndaıdy», - dedi ol.
Sonymen qatar, onyń aıtýynsha, sheteldik stýdentter men professorlar qazaq mádenıetimen, tarıhymen tanysýǵa múmkindik alady.
«Olar Býrabaıǵa baryp demalady. Elordada mýzeılerge de baratyn bolady. Tipti olar qazaq tarıhy, ıaǵnı, Qazaq handyǵy týraly dáris te tyńdaıdy. Bul barlyq qatysýshylar úshin tegin. Olardyń ushyp kelýi men jatyn oryndary tegin. Barlyq shyǵyndy Akademııalyq almasýdyń germandyq qyzmeti men bizdiń ýnıversıtetimiz kóteredi», - dedi Sergeı Pen.
