Eýroaýmaqta ınflıatsııa rekordtyq deńgeıge jetti
Bul týraly málimetterdi beısenbi kúni eýropalyq statıstıka agenttigi – Eýrostat taratty, dep habarlaıdy QazAqparat reseılik TASS agenttigine silteme jasap.
Ótken jyldyń shilde aıynan beri eýroaýmaqtaǵy jyldyq ınflıatsııa kórsetkishi 2,16%-dy quraǵan. Bul kórsetkish 3,5 eseden artyq ósti.
Agenttiktiń habarlaýynsha, aılyq eseppen alǵanda ınflıatsııa maýsymda 0,8%-ǵa kóterilgen soń, shildedi 0,1%-ǵa ósti.
Eýrostattyń naqtylaýynsha, ınflıatsııa deńgeıiniń joǵary bolýynyń basty sebebi energııa túrlerine degen baǵanyń ósýi. Bul kórsetkish jyldyq ósimmen alǵanda ótken aıda 42%-ǵa óskennen keıin 39,7%-dy qurady.
Azyq-túlik, alkogol men temeki ónimderiniń quny ótken jyldyń mamyr aıynda 8,9%-ke ósse, bıylǵy jyldyń maýsym aıynda ol 9,8%-ke artty, ónerkásip ónimderiniń ósimi ótken jyly 4,3% bolsa, bıyl 4,5%--dy qurady. Kórsetiletin qyzmetter quny 3,4%-dan 3,7%-ǵa deıin ósti.
Inflıatsııa eýroaýmaqta ótken jyldyń tamyz aıynda, ıaǵnı Eýroodaqta energetıkalyq daǵdarys bastalǵan kezde qarqyn aldy.
Sodan beri ınflıatsııany aýyzdyqtaý múmkin bolmaı otyr, ósim aı saıyn artýda. 2021 jyldyń tamyzynda ósim 2,96%-dy qurasa, 2022 jyldyń aqpan aıynda ol 5,87%-ǵa jetti. Al Reseımen sanktsııalyq soǵystan keıin, ıaǵnı naýryz aıynan keıin 7,44% deńgeıine jetti. Soǵan qaramastan Eýropa Ortalyq banki eýroaýmaqtaǵy ınflıatsııanyń deńgeıi jylyna 2% bolady degen boljam jasap otyr.