Esý slalomy: Qazaqstan qorjynyna 7 medal tústi
ASTANA. KAZINFORM – Taılandtyń Pattaııa qalasynda baıdarka jáne kanoede esý slalomynan Azııa chempıonaty ótip jatyr.
Sportty damytý dırektsııasynyń baspasóz qyzmeti habarlaǵandaı, qazir elimizdiń quramasynda 7 medal bar. Búgin Ekaterına Tarantseva 18 jasqa deıingi sanatta baıdarkada, al Anastasııa Ananeva 23 jasqa deıingi sanatta kanoede esýde altynnan alqa taqty. Sonymen qatar Aleksandr Korobov (U18, baıdarka) kúmis júldeger atandy.
Osyǵan deıin Qazaqstan erler quramasy (Qýanysh Erenǵaıypov, Ádil Amanbaev, Aleksandr Kýlıkov) komandalyq synda kanoede esý slalomynan top jaryp, baıdarkada kúmis júldeger qol jetkizgen. Al áıelder quramasy (Anastasııa Ananeva, Darıa Cheshýına) baıdarkada jáne kanoede qos kúmiske ıe boldy.
Aıta keteıik, bıyl chempıonatqa 11 memleketten 150-den astam tańdaýly sportshy qatysyp jatyr. Bul qatarda Qazaqstan quramasynyń 8 ókili bar. Sary qurlyq básekesi 9 naýryzda aıaqtalady.
