Estonııalyq azamat Túrkııada Bosfor buǵazy arqyly arqanmen júrip ótti
ASTANA. KAZINFORM – Estonııalyq tsırk ártisi ıAan Rooze Bosfor buǵazyn teńiz ústine sozylǵan arqanmen kesip ótti.
Sóıtip, ol qolyna túrik týyn ustap, Azııadan Eýropaǵa arqan arqyly bir qurlyqtan ekinshisine arqan arqyly ótken alǵashqy adam boldy.
Ystanbuldaǵy Azaptalýshylar kópiri baǵanalarynyń arasyna arqan tartylǵan. Teńiz ústindegi jol 1074 metrdi qurady. Er adam ony 47 mınýtta ótti.
ıAan Rooze óziniń tájirıbesin biregeı dep atady. Erekshe qaýip aýa raıynyń qubylmalylyǵynda boldy, dep túsindirdi estonııalyq azamat.
«Bosfor buǵazy eki qurlyqty baılanystyryp qana qoımaıdy, sonymen qatar myńdaǵan jyldar boıy tarıhı-mádenı mańyzy bar, sondaı-aq tańǵajaıyp tabıǵat sulýlyǵyna ıe. Men tarıhqa endim, sondyqtan óte qýanyshtymyn», — dedi ol.
2013 jyly Kazinform Grand-kanondy tikeleı efırde saqtandyrý arqanynsyz kesip ótken amerıkalyq tsırk ártisi Nık Vallendanyń rekordy týraly jazǵan, al bir jyl buryn amerıkalyq er adam Nıagara sarqyramasy ústinde sozylǵan arqanmen AQSh-tan Kanadaǵa jol kesip ótkeni týraly habarlaǵan bolatyn.
