Estonııada jumyssyzdyq deńgeıi ósti

BRıÝSSELЬ. QazAqparat – Estonııada jumyssyzdyq deńgeıi 8,1 paıyzǵa ósti, bul elde jalpy alǵanda 53 myńǵa jýyq jumyssyz adam ekenin kórsetýde, dep habarlaıdy QazAqparat tilshisi.

Estonııa BAQ jańa jyldyń alǵashqy aılarynda jumyssyzdyq deńgeıi áli de ósetinin boljaýda

«Qazirgi ýaqytta ekonomıkada belgisizdik pen pessımızm kóp bolǵandyqtan, kásipkerler ınvestıtsııa salýdan nemese adamdardy jaldaýdan tartynyp otyr», - dedi Estonııa Jumys berýshiler konfederatsııasynyń basshysy Arto Aas.

Eldegi Kásipodaqtar konfederatsııasynyń tóraǵasy ıAan-Hendrık Týmel eńbek naryǵynda usynylatyn jumys oryndarynyń ne joǵary bilikti laýazymdar, ne biliktiligi joq jumys kúshi ekenin atap ótti. Degenmen, olardyń arasynda tańdaý az.

«Jalaqysy tómen jáne jeńil jumysqa qatysty usynystar da bar, biraq alty aı burynǵy jaǵdaıǵa qaraǵanda búgin adamdarǵa orta segmentte jumys tabý qıynyraq», - dedi ıAan-Hendrık Týmel.

Estonııanyń jumys berýshiler konfederatsııasy aldaǵy birneshe aıda jumyssyzdyq kórsetkishi odan ári ósedi dep boljap otyr. Búkil Estonııada dástúrli túrde aýyr ónerkásipke negizdelgen jáne energııa óndirýge baǵyttalǵan Ida-Vırýmaa okrýginde jaǵdaı kúrdeli bolyp qalýda. Mundaǵy jumyssyzdyq 11,8% quraıdy. Al negizinen aýyldyq aımaqtan turatyn Valga okrýgindegi jumyssyzdyq deńgeıi 11% jetti.

Foto: news.err.ee