Esirtki bıznesine qarsy kúres komıteti qurylmaq
ASTANA. KAZINFORM – Іshki ister mınıstrliginde Nashaqorlyqqa jáne esirtki bıznesine qarsy kúres komıtetin qurý máselesi pysyqtalyp jatyr. Bul týraly Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.
«Qazirgi ýaqytta Іshki ister mınıstrligi esirtki, psıhotroptyq zattar, olardyń analogtary men prekýrsorlary aınalymy salasyndaǵy ýákiletti organ sanalady. ІІM-de atalǵan fýnktsııalardy esirtki qylmysyna qarsy is-qımyl departamenti oryndaıdy. Sonymen qatar negizinen sıntetıkalyq esirtkini tehnıkalyq progress jetistikterin paıdalaný arqyly taratý úrdisin eskere otyryp, Nashaqorlyqqa jáne esirtki bıznesine qarsy kúres jónindegi 2023-2025 jyldarǵa arnalǵan keshendi jospardy iske asyrý aıasynda ІІM joǵaryda atalǵan Departament bazasynda tıisti Komıtet qurý máselesi pysyqtalyp jatyr. Qurylatyn vedomstvoǵa esirtkige qarsy jáne profılaktıkalyq tıisti qyzmetti kúsheıtý maqsatynda qosymsha fýnktsııalar berý josparlanǵan», - delingen Úkimet basshysynyń jaýabynda.
