Esil ózenine 250 myń balyq shabaǵy jiberildi
ASTANA. KAZINFORM – Astana qalasynyń Ortalyq saıabaǵy mańynda Esil ózenine Zerendi balyq pıtomnıginde respýblıkalyq bıýdjet qarajaty esebinen memlekettik tapsyrys aıasynda ósirilgen 250 myń balyq shabaǵy jiberildi. Bul týraly QR AShM baspasó qyzmeti málim etti.
Balyq jiberýge QR Aýyl sharýashylyǵy mınıstrliginiń Balyq sharýashylyǵy komıtetiniń, Astana qalasy ákimdiginiń, qoǵamdyq uıymdardyń, ǵylymı uıymnyń, S.Seıfýllın atyndaǵy QazUATÝ stýdentteriniń jáne Astana turǵyndarynyń ókilderi qatysty.
Tabıǵı sý qoımalaryndaǵy balyq resýrstaryn saqtaý jáne turaqty paıdalaný maqsatynda, sondaı-aq Astana turǵyndarynyń demalýyna rekreatsııalyq jaǵdaılar jasaý maqsatynda jyl saıyn balyq jiberý jumystary júrgiziledi.
Aıta ketetin jaıt, balyq sharýashylyǵy kásiporyndary qazan aıynyń sońyna deıin Aral-Syrdarııa, Balqash-Alakól jáne Esil basseınderiniń sý qoımalaryna taǵy 15 mln balyq shabaǵyn jiberýdi josparlap otyr.
