Esikte saýda úıi órtendi
Áleýmettik jelide Esik qalasynda otqa oranǵan saýda úıiniń vıdeosy jelide tarady, dep habarlaıdy Kazinform.
Almaty oblysy tótenshe jaǵdaılar departamentiniń málimetinshe, 24 jeltoqsanda túngi saǵat 03:35-te TJD-nyń kezekshi bólimine Eńbekshiqazaq aýdanynyń Esik qalasynda Frýnze men Almaty kósheleriniń qıylysynda iri órttiń bolǵany týraly habarlama túsken. Atalǵan jerde perde men kilem satatyn saýda pavılondary, bılbordtar, «So sklada» jıhaz jáne azyq-túlik dúkeni órtengen, keıin órt «Passaj» jáne «Shamshat» saýda úılerine qaraı aýysqan.
«Alǵashqy órt sóndirý bólimsheleri saǵat 03:40-ta jetken sátte «Passaj» saýda úıiniń pavılondary, dúkenderi men shatyry otqa oranǵan bolatyn. Oqıǵa ornyna jaqyn mańdaǵy bólimshelerdiń kúshteri men quraldary da jiberiledi. Órttiń úlken aýmaqqa taralýyna órt týraly keshigip habarlaý sebep boldy. Qabyldanǵan sharalardyń arqasynda órt saǵat 06:20-da oqshaýlanyp, saǵat 07:40-ta sóndirildi. Órttiń jalpy aýdany 1958 sharshy metrdi qurady», - dep habarlady Almaty oblysy TJD-nyń baspasóz qyzmeti.
Órttiń jaqyn mańdaǵy «Halıfa» saýda úıine, kıim qoımasyna jáne jıhaz dúkenine taralýyna jol berilmedi. Qaza tapqandar men zardap shekkender joq. Órttiń sebebin anyqtaý úshin Almaty oblysy TJD anyqtaý bóliminiń jáne synaq órt zerthanasynyń bastyǵy jiberildi.
Órtti sóndirýge Almaty oblysy TJD-nyń 34 qyzmetkeri men 11 tehnıkasy, jol patrýldik qyzmetten 3 tehnıka men 6 qyzmetker, jedel medıtsınalyq járdem brıgadasynyń 2 tehnıkasy jumyldyryldy.
Posmotret etý pýblıkatsııý v Instagram
