Esirtkimen kúres - Atyraý oblysynda jyl basynan 25 adam isti boldy
Oblystyq Polıtsııa departamenti esirtki qylmysyna qarsy is-qımyl basqarmasy basshysynyń orynbasary Roman Ermuhanovtyń málimetinshe, «Dármek» jedel-profılaktıkalyq is-sharasy kezinde 5 myń danaǵa jýyq tramadol jáne tropıkamed dári-dármekteri tárkilenip, ákimshilik hattamalar toltyrylǵan.
«Jyl basynan beri esirtkige qatysty 75 quqyq buzýshylyq tirkeldi. Quqyq buzýshylyqtyń basym kópshiligi esirtki zattaryn satý faktisi bolyp otyr. Jalpy esirtkiniń zańsyz aınalymy boıynsha 25 adam qylmystyq jaýapkershilikke tartyldy. Oyń ishinde 19 adam bas bostandyǵynan aıyryldy», - deıdi Roman Ermuhanov.
Onyń aıtýynsha, oblystyq narkologııa dıspanseriniń esebinde 508 adam tur. Bul kórsetkishti azaıtý jáne óńirde esirtki saýdasyn boldyrmaý úshin kóptegen is-shara ótip jatyr. Oblys aýmaǵynda Esirtki qylmysyna qarsy is-qımyl basqarmasynyń qyzmetkerleri men ýchaskelik polıtsııa ınspektorlary 4 profılaktıkalyq is-shara ótkizgen.
«Nátıjesinde esirtki satatyn ınternet-saıttardy jarnamalaıtyn 150 grafıttı jazbalar joıyldy. Jaqynda esirtkimen kúres kúnine oraı jastar arasynda sporttyq sharalar, shyǵarmashylyq baıqaýlar, merekelik kesh, arnaıy mamandardyń qatysýymen semınar-trenıngter uıymdastyryldy», - dep málim etti Roman Ermuhanov.
