Esirtki jarnamalaǵan 555 saıt buǵattaldy

NUR-SULTAN. QazAqparat – Jyl basynan beri qazaqstandyq ınternet qoldanýshylarǵa esirtkini, psıhotroptyq zattarmen prekýsorlardy taratýǵa baǵyttalǵan málimet usynǵan 965 saıt anyqtalǵan, dep habarlaıdy QazAqparat tilshisi.

Іshki ister mınıstrliginiń aqparat alańynda ótken brıfıngide Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev osyndaı málimet berdi.

«Esirtkini jarnamalap, nasıhattaıtyn saıttardy buǵattaý máselesine kelsek, esirtki qylmysyna qarsy is-qımyl departamenti ınternet keńistikke turaqty montorıng júrgizip otyr. Sol arqyly esirtkini, psıhotroptyq zattar men prekýsorlardy taratýǵa baǵyttalǵan málimeti bar saıttardy, áleýmettik jelidegi jazbalardy, jarnamalardy anyqtaıdy. Aptanyń jeti kúninde 24 saǵat boıy monıtorıng jasaý arqyly belgili bolǵan saıttar QR Aqparat jáne qoǵamdyq damý mınıstrligine buǵattaý úshin joldanady. Olar biz bergen málimetter boıynsha jedel sheshim qabyldaıdy. Jyl basynan beri 965 saıt anyqtalyp, 555-i buǵattaldy. Bul baǵyttaǵy jumys turaqty rejımde jalǵasyp keledi», - dedi Berikhan Nurǵalıev.