Esik pen Berelde vızıt ortalyqtary salynady

NUR-SULTAN. QazAqparat – Mádenıet jáne sport mınıstrligi eldegi jetekshi respýblıkalyq mýzeı-qoryqtardyń bárine vızıt ortalyqtar salmaqshy, dep habarlaıdy QazAqparat tilshisi.

Mádenıet jáne sport mınıstri Aqtoty Raıymqulova el aldyndaǵy esebi barysynda osy baǵyttaǵy josparlaryn ortaǵa saldy.

«Elimizdiń barlyq jetekshi respýblıkalyq mýzeı-qoryqtarynyń aýmaǵynda vızıt ortalyqtardyń qurylysy men olardy mýzeılendirý jumystary júrgizilýde. 2020 jyly «Ulytaý» mýzeı qoryǵy vızıt ortalyǵynyń qurylysy aıaqtaldy. Bıyl Saýran, Gaýhar ana jáne Ordabasy vızıt ortalyqtarynyń qurylysy aıaqtalady. Sonymen qatar, 2022 jyly qurylysy josparlanyp otyrǵan «Esik» jáne «Berel» vızıt ortalyqtarynyń jobalyq-smetalyq qujattamasy ázirlenip jatyr», - dedi mınıstr ortalyq kommýnıkatsııalar qyzmetinde.