«Erjan Tátishev atyndaǵy «Erjan» qory bilim granttaryn taratty

ASTANA. 8 maýsym. QazAqparat - «Erjan» qory qarapaıym otbasylardan shyqqan balalarǵa eń mańyzdy kapıtal - bilim alý múmkindigin usyna otyryp, óz maqsatyn júzege asyrýdy jalǵastyrady.

Bul aqparatty atalǵan qordyń baspasóz qyzmeti taratyp otyr.

Bıylǵy jyly Qordyń bilim grantymen elimizdiń oqý oryndarynda, sonyń ishinde JOO-lar men kolledjderde tabysty bilim alyp shyqqan 6 shákirt marapattaldy. Shákirtaqynyń tórt ıegeri «Ekonomıka jáne menedjment» mamandyǵy boıynsha oqyp, bir túlek «Feldsherlik is» mamandyǵyn, al ekinshisi «Shyǵystaný» mamandyǵy boıynsha bilim alyp shyqty.

Marapattaý saltanatyna Qordyń bilim baǵdarlamalarynyń túlekteri, olardyń ata-analary, Qor quryltaıshylary - Erlan Tátishev pen Erkin Tátishev, Qamqorshylar Keńesiniń músheleri, JOO men kolledjder rektorlary, «Bota» Qory, «Qus joly», «Baýyrjan»,  Kaýnterpart, Ortalyq Azııa Eýrazııa Qoryókilderi, bıznes-seriktester qatysty.

Óziniń alty jyldyq qyzmeti ishinde «E. Tátishev atyndaǵy «Erjan» qory óziniń baǵdarlamalyq basymdyqtaryn belgilep, balalardyń kásibı jáne tulǵalyq múmkindikterin damytý jumysyn jalǵastyryp keledi. Talantty ári maqsatshyl jastarǵa qoldaý kórsetýge baǵyttalǵan bilim granty baǵdarlamalary qor qyzmetiniń negizgi baǵyty bolyp tabylady. Bilim baǵdarlamalary aıasynda 5 jyldyq jumysy ishinde 63 bilim berý granty bólinip, olardyń 27-si az qamtamasyz etilgen otbasylardan shyqqan jastarǵa, 11 grant - balalar úıiniń túlekterine jáne 25 grant múmkindigi shekteýli jastarǵa berilgen. Qazirgi ýaqytta Qor granty esebinen 32 shákirtaqy ıegeri oqyp jatyr.