Erulan Jamaýbaev bıýdjet qarajatyn ıgere almaǵan mınıstrlikterdi atady

NUR-SULTAN. QazAqparat – Osy jyldyń 2 aıynda mınıstrlikter 55 mlrd teńge bıýdjet qarajatyn ıgermedi. Bul týraly búgin Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Memlekettik bıýdjettiń shyǵystary - 96,9, respýblıkalyq bıýdjettiń shyǵystary – 97,7, jergilikti bıýdjetterdiń shyǵystary 96 paıyzǵa atqaryldy. Respýblıkalyq bıýdjet boıynsha somasy 2 trln 683 mlrd teńgege shyǵystar júrgizildi. Atqarylmaý 64 mlrd teńgeni qurady, onyń ishinde 9 mlrd teńge - únemdeý. Igerilmegeni - 55 mlrd teńge», - dedi mınıstr.

Onyń dereginshe, ıgerilmeýdiń neǵurlym iri somalary Bilim jáne ǵylym, Densaýlyq saqtaý, Іshki ister, Qarjy jáne Aýyl sharýashylyǵy mınıstrlikterinde qalyptasty.

«Igerilmeýdiń negizgi sebepteri: sharttardy, qosymsha kelisimderdi uzaq rásimdeý, bıýdjettik baǵdarlamalardy iske asyrý jónindegi normatıvtik quqyqtyq aktilerdi der kezinde qabyldamaý, shot-faktýralar, atqarylǵan jumys aktileriniń ýaqytyly ótkizilmeýi, esepti aıda qarajatty jumsaý qajettiliginiń bolmaýy», - dedi Erulan Jamaýbaev.