Ertýǵan Zeınýllınov álem chempıonatynyń qola júldegeri boldy

ASTANA. KAZINFORM — Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda el quramasynan Ertýǵan Zeınýllınov (63,5 keli) sharshy alańǵa shyqty.

Otandasymyz jartylaı fınalda reseılik Ilıa Popovpen qolǵap túıistirdi. Alǵashqy mınýttan qarsylasyna kóbirek soqqy jumsaǵan qazaqstandyq boksshy birinshi raýndty 4:1 esebimen aıaqtady. Degenmen odan keıingi raýndtarda tóreshiler sheshimimen jeńis reseılik boksshyǵa berildi. Saldarynan Ertýǵan qarsylasyna ese jiberip, álem chempıonatynda qola júldege qol sozdy.

Endi qazaqstandyq boksshylar arasynan Abylaıhan Júsipov (71 keli) sharshy alańǵa shyǵady.
Aıta ketsek, búgin Sabyrjan Aqqalyqov (75 keli) jartylaı fınaldaǵy qarsylasy ózbekstandyq Fazlıddın Erkınboevtyń jarysty jalǵastyrýdan bas tartýyna baılanysty birden fınalǵa shyqty.

Sondaı-aq Sáken Bıbosynov (54 keli), Orazbek Asylqulov (57 keli) endi álem chempıonatynda altynǵa talasady. 

Al Temirtas Júsipov (48 keli) jartylaı fınalda reseılik Edmond Hýdoıanǵa ese jiberip, qola júldeni qanaǵat tutty.

Al qazaqstandyq Danııal Sábıt (51 keli), Serik Temirjanov (60 keli), Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli), Nurlan Saparbaı (92 keliden joǵary) jarysty erte aıaqtady.