Ertis ormanynda qustardyń 90 túri bar
PAVLODAR. KAZINFORM — 2025 jyly rezervattyń ǵylym, aqparat jáne monıtorıng bólimi júrgizgen dalalyq zertteýler nátıjesinde rezervat aýmaǵynda buryn tirkelmegen 40 qus túri anyqtalǵan. Olardyń ishinde Pavlodar oblysy boıynsha alǵash ret tirkelgen túrler de bar.
«Ertis ormany» memlekettik tabıǵı rezervaty — elimizdegi bıoalýantúrliligi joǵary jáne ǵylymı mańyzy zor aýmaqtardyń biri. Qazirgi tańda munda qustardyń 90 túri tirkelgen. Onyń ishinde 10 túri Qazaqstan Respýblıkasynyń Qyzyl kitabyna engizilgen. Sondaı-aq ósimdikterdiń 307 túri men sútqorektilerdiń 21 túri anyqtalǵan.
— Byltyr ǵylym, aqparat jáne monıtorıng bóliminiń mamandary zertteý júrgize kelip, qaraǵaı arasynda buryn bolmaǵan 40 qus túrin anyqtady. Olardyń ishinde kádimgi jylanjegish (Circaetus gallicus), ementumsyq (Coccothraustes coccothraustes), azııalyq qarabas shaqshaq (Saxicola maurus), qyzylqulaq sulykesh (Emberiza cioides) túrleri bar. Birazy buǵan deıin Ertis-Baıan óńirinde ushyraspaǵan, alǵash tirkelip otyr, — dep habarlady rezervattan.
Rezervat basshylyǵy aldaǵy ýaqytta da júıeli monıtorıng jumystaryn jalǵastyra beretinderin habarlady. Tabıǵı baılyqty saqtaý men qorǵaýda «Ertis ormanynyń» alatyn orny aıryqsha.
Buǵan deıin Ertis ormanyna túlkiler qaıta oralyp jatqanyn jazǵanbyz.
Ertis ormanynan qysta qandaı qustardy kezdestirýge bolady.