«Ertis ormanynda» qar toqtatý jumystary júrgizilip jatyr
PAVLODAR. KAZINFORM — Ormanshylardyń aıtýynsha, bul jaǵdaı kóktemde topyraq ylǵaldylyǵyn joǵarylatyp, orman ekpeleriniń saqtalýyna septigin tıgizetin kórinedi.
Á.Bókeıhan atyndaǵy qazaq orman sharýashylyǵy jáne agroormanmelıoratsııa ǵylymı-zertteý ınstıtýtynyń ǵalymdary orman ekpeleriniń jersinbeýiniń basty sebepteriniń biri topyraqtaǵy ylǵal qorynyń jetkiliksizdigi ekenin anyqtaǵan. Bul máseleni sheshýdiń tıimdi joldarynyń biri — qar toqtatý sharalaryn júrgizý.
— Qys mezgilinde qar jamylǵysyn belgili bir aýmaqta jınaqtap, kóktemde erigen sýdyń topyraqqa sińýin qamtamasyz etý arqyly ylǵal qoryn arttyrýǵa bolady. Bul ádis topyraqtyń ylǵaldylyǵyn saqtaýǵa, ósimdikterdiń tez tamyrlanýyna jáne ekpelerdiń ómirsheńdigin arttyrýǵa oń áser etedi. Osy maqsatta búginde Shaldaı fılıalynyń Seıten ormanshylyǵy aýmaǵyndaǵy 15 gektar alańda qar toqtatý jumystary júrgizildi. Bul baǵyttaǵy sharalar ary qaraı jalǵasyn taba bermekshi, — dep habarlady «Ertis ormany» rezervatynan.
Qazir rezervattaǵy qar jamylǵysynyń bıikti 15-25 santımetr aralyǵynda. Ony jınaý úshin arnaıy tehnıkalar jumyldyrylǵan.
Buǵan deıin Ertis ormanynan qysta qandaı qustardy kezdestirýge bolatynyn jazǵanbyz.