Ertis-Baıan óńirinde 600-den astam jas ásker qataryna alynýy múmkin

PAVLODAR. KAZINFORM — Bıyl kúzde Pavlodar oblysynan ásker qataryna 600-den astam azamatty shaqyrý kózdelgen. Qabyldaý komıssııasy qazirgi kúni irikteý jumystaryn bastap ketti.

Óńir boıynsha 18 ben 27 jas aralyǵyndaǵy 20 myńdaı jigit bar. Biraq olardyń kóbinde áskerı paryzyn óteýden ýaqytsha bosatatyn sebepteri bar. Áskerge shaqyrýdan bosatylǵandardyń deni, ıaǵnı 16 myńy oqý oryndarynda bilim alyp jatyr. 1141 turǵyn otbasylyq jaǵdaıyna baılanysty bosatylsa, taǵy 294 er azamatta túrli sebepter bar.

— Bıylǵy kóktemde shuǵyl áskerı qyzmetke óńirimizden 665 adam shaqyryldy. Al kúzde shaqyrtýǵa 664 adam iligetini belgili bolyp otyr. Olardyń 320-sy qazirdiń ózinde Qazaqstan Respýblıkasynyń Áskerı kúshteri qataryna jiberilse, 65 sarbaz UQK-nyń shekaralyq qyzmetine, 250-i Ulttyq gvardııaǵa, 20-sy Tótenshe jaǵdaılar mınıstrligi qurylymdaryna jáne 9-y memlektetik kúzet qyzmetine baǵyttaldy, — dep habarlady oblystyq qorǵanys isteri jónindegi departamentten.

Mamandar áskerge shaqyrtý azamattarǵa qaǵaz júzinde, sondaı-aq uıaly telefonǵa habarlama retinde jiberiletinin aıtady. Shaqyrylýshynyń telefon nómiri eGov-qa tirkelgeni mańyzdy emes, bastysy ol uıaly baılanys operatorlary arqyly enizilip qoıǵan.

Eske sala keteıik, áskerden jaltarǵandar 1 jylǵa sottalýy múmkin. 

Sondaı-aq elimizde áskerge shaqyrylǵandardy kósheden ustap áketýge tyıym salyndy.