Ertis-Baıan óńiri 2030 jyly kógildir otynmen qamtylady

PAVLODAR. KAZINFORM - Óńirlik energetıka jáne turǵyn úı-kommýnaldyq sharýashylyq basqarmasy Pavlodar oblysyn gazdandyrý máseleleri boıynsha jumys tobyn qurýǵa bastamashy boldy. Kógildir otyn júıesi barlyq on aýdan men úsh qalany qamtıdy dep josparlanyp otyr.

Áýel basta Pavlodar qalasy men 4 aýdandy ǵana gazdandyrý josparlanǵan edi. Jumys toby máseleni saralaı kele, barlyq aýdan-qalalardy júıege qosýdy naqtylady. Jobanyń jobalyq-smetalyq qujattamasy ázirlenbegen, soǵan oraı júıeni tartý, engizýdiń qansha somaǵa túsetinin aıtý múmkin emes deıdi jaýapty vedomstvo ókilderi.

- Aımaqta tabıǵı gaz ben gaztaratqysh jeliler joq. Oblystyń iri eldi mekenderin gazdandyrý sońǵy jyldary respýblıkalyq deńgeıde kóterile bastaǵan. Bıyl bizdiń basqarma Pavlodar oblysyn gazdandyrý máseleleri boıynsha jumys tobyn qurýǵa bastamashy boldy. Jumys tobynyń quramyna Energetıka mınıstrliginiń, jergilikti atqarýshy organdardyń, «QazaqGaz» «UK» AQ jáne «KATEK» JShS jobalaý-zertteý kompanııasynyń ókilderi kirdi. Sáýir aıynda ótken alǵashqy otyrysta olar gazdy tutynýdyń boljamdy kólemin talqylady,-deıdi Óńirlik energetıka jáne turǵyn úı-kommýnaldyq sharýashylyq basqarmasynyń basshysy Erjan Imanzaıyp.

Óńirdi gazdandyrýdyń boljamdy merzimi – 2030 jyl.

Eske sala keteıik, eldiń soltústigin gazdandyrý úshin «Saryarqa» qubyrynyń 2,3-kezeńderi salynady.