Erteń short-trekten álem chempıonaty bastalady

ASTANA. KAZINFORM - Qytaı astanasy - Beıjiń qalasynda 14 naýryzda short-trekten kezekti álem chempıonaty bastalady.

QR Týrızm jáne sport mınıstrliginiń habaralýynsha, bıyl sportshylar 500, 1000 jáne 1500 metrge jekeleı qashyqtyqta jarysady. Sondaı-aq erler – 5000, áıelder – 3000 metrge estafetada júldelerdi sarapqa salady. Budan bólek aralas estafeta boıynsha da jarystar ótedi.

Álem chempıonatynda short-trekten el namysyn erlerden Abzal Ájiǵalıev, Denıs Nıkısha, Ádil Ǵalıahmetov, Mersaıd Jaqsybaev, Gleb Ivchenko, áıelderde ıAna Han, Zeınep Qumarhan, Olga Tıhonova, Malıka Ermek jáne Alına Ájiǵalıeva qorǵaıdy.

Dúbirli doda 1976 jyldan beri uıymdastyrylyp keledi. Tusaýkeser jarysty AQSh-tyń Shampeın qalasy qabyldady. Al Beıjiń qurlyq birinshiligin osymen úshinshi márte ótkizgeli jatyr.

Aıta ketsek, byltyr Nıderlandtyń Rotterdam qalasynda ótken álem chempıonatynda Denıs Nıkısha 500 metr qashyqtyqta kúmis júldeger atanyp, álem birinshiligi tarıhynda el qorjynyna alǵashqy júldeni salǵan edi.

Eske salsaq, budan buryn short-trekten álem chempıonatynda Qazaqstan jastar quramasy bir kúmis, úsh qola medal aldy.