Erteń elimizde áýe reısteri bir saǵatqa erte ushady

ASTANA. KAZINFORM – Elimiz erteńnen bastap biryńǵaı ýaqyt beldeýine kóshetindigine baılanysty poıyz jáne ushaq jolaýshylaryna habarlandyrý jasaldy. 

2024 jylǵy aqpannyń 29-nan naýryzdyń 1-ne qaraǵan túni saǵat 00:00-de elimiz biryńǵaı ýaqyt beldeýine kóshedi.

Osyǵan oraı, «Samuryq-Qazyna» ulttyq ál-aýqat qoryna qarasty Qazaqstan temir joly, «Air Astana», «Qazaq Air» kompanııalary jolaýshylardy aqparattandyrý jumystaryn jalǵastyrýda.

«Jolaýshylar saǵatty biryńǵaı ýaqyt beldeýine sáıkes aýystyrýdy umytpaǵany abzal. Poıyzdar bılette kórsetilgen ýaqytqa saı keledi jáne jóneltiledi. 1 naýryz saǵat 00:01-den (Astana ýaqyty boıynsha) bastalatyn áýe reısteri bılette kórsetilgen ýaqyttan 1 saǵat buryn oryndalady», - delingen qor taratqan aqparatta.

Sondaı-aq, habarlamada áýejaılardyń Call-ortalyqtary arqyly ushý kestesin naqtylaý qajettigi aıtylǵan (SMS jáne poshtaǵa habarlamalar jiberiledi).