Erteń Atyraýdyń keıbir bóliginde elektr qýaty taǵy óshiriledi
Atyraý oblysynyń energetıkalyq kesheni baspasóz qyzmetiniń málimetine súıensek, erteń, 5 shildede munaıly shahardyń 5 shaǵynaýdany men 3 eldi mekeninde elektr jaryǵy bolmaıdy.
«Elektr jelisinde kúrdeli jóndeý jumystary júrgiziledi. «Atyraý Jaryq» AQ-nyń qalalyq elektr júıeleri kúrdeli jóndeýdi qaýipsiz maqsatta júrgizýdi kózdep otyr. Osyǵan baılanysty Damby aýylynda saǵat 10:00-14:00 aralyǵynda jaryq óshiriledi. Osyǵan baılanysty №1, Naýryz, Qabyshev, Kókarna, Novaıa, Mahmýd, R.Myrzaǵalıev, M.Arystanov, Mahambet, M.Dosmaǵambetov, Jangeldın jáne Abaı kóshelesine jaryq berilmeıdi», -dep habarlady energetıkalyq keshenniń baspasóz qyzmeti.
Al, saǵat 10:00-den 17:00-ge Erkinqala aýylyndaǵy Esqalıev kóshesine, saǵat 17:30-ǵa deıin Samal shaǵynaýdanyndaǵy jeke turǵyn úı sektoryna jaryq berý ýaqytsha toqtatylady. Sondaı-aq, saǵat 14:00-17:00 aralyǵynda Vokzal mańy-3a shaǵynaýdanyndaǵy 15a, 16a, 19a, 52a mekenjaıyndaǵy turǵyn úılerde jaryq óshiriledi.
Tańerteńgi saǵat 10:00-den keshki 18:00-ge deıin Jumysker, Órken, Rembaza shaǵynaýdandaryndaǵy 23 jáne Rakýsh aýylyndaǵy 1 kóshege jaryq berilmeıdi.
Eske sala ketelik, buǵan deıin Atyraýdyń 25 kóshesinde kúni boıy elektr qýaty bolmaıtynyn
habarlaǵan edik.
Keshe Atyraýda birneshe shaǵyn aýdanda jaryq sónip qalǵanyn jazǵan bolatynbyz.
Keıin atyraýlyqtar nelikten jaryqsyz qalǵany týraly aıtyldy.
