Erteń Atyraýdyń 25 kóshesinde kúni boıy elektr qýaty bolmaıdy
Atyraý oblysynyń energetıkalyq kesheni baspasóz qyzmetiniń málimetinshe, erteń Atyraý qalasyndaǵy úsh shaǵyn aýdan men eki eldi mekende ýaqytsha jaryq bolmaıdy.
«Bul «Atyraý Jaryq» AQ-nyń qalalyq elektr júıeleri jelisindegi kúrdeli jóndeý jumysyn júrgizýine baılanysty bolyp otyr. Sol sebepten, erteń, 4 shildede jergilikti ýaqytpen saǵat 10:00-17:00 aralyǵynda jekelegen mekenjaılarda elektr energııasyn ýaqytsha óshirý josparlanyp otyr», - dep habarlady energetıkalyq keshenniń baspasóz qyzmeti.
Belgili bolǵandaı, bul kúni Atyraý qalasyndaǵy «Balaýsa» shaǵyn aýdanyndaǵy №3 kóshede, «Órken» shaǵyn aýdanynyń Shóreev, №15 jáne 43-kóshesinde, «Sarqamys» shaǵyn aýdanynda ornalasqan Jıembet kóshesindegi turǵyn úıler men nysandarǵa jaryq berilmeıdi.
Sondaı-aq, Atyraý qalasyna taıaý ornalasqan Erkinqala eldi mekeniniń Esqalıev, Baımuhanov, Orazalın, Túsipqalıev, Kósherbaev, Aqjelken, Bólekqaıyr, Asanov, Álenov, Esqalıev, Aıtmaǵambetov, Qyzyl teńizshi, Atamura, Jeltoqsan kóshelerinde de jaryq bolmaıdy. Al, Rakýsh aýylyndaǵy Qazaqstan, Hasanov, Yntymaq, Saqparov, Boqashev jáne Nuǵmanov kóshelerindegi turǵyndar jaryqsyz otyrady.
Eske sala ketelik, buǵan deıin Atyraýdyń bir bóliginde turǵyndar 3 kún ystyq sýsyz otyratynyn jazǵan bolatynbyz. Ystyq sý berý jylý pýnktileriniń jabdyqtaryn tekserýge baılanysty toqtatylǵan. «Atyraý jylý júıeleri» AQ 2023 jylǵy 3-5 shilde aralyǵynda úsh jylý berý pýnktinde jóndeý jáne tekserý júrgizedi.
