Erteń Astanada jańa marshrýt iske qosylady

Erteń Astanada jańa marshrýt iske qosylady, dep habarlaıdy Kazinform. 

«4 qarashadan bastap jańa avtobýstardy jetkizý aıasynda «Úrker» turǵyn alaby – «Nurly jol» temirjol vokzaly qatynasymen jańa №66 baǵyt iske qosylady», - delingen elorda ákimdiginiń resmı saıtyndaǵy aqparatta.

Baǵyt Táýelsizdik dańǵylyndaǵy jańa kópir arqyly júredi. Osylaısha elordanyń oń jaǵalaýy men sol jaǵalaýy arasyndaǵy kólik qatynasyn jaqsartady.

Sondaı-aq, Úrker TA men «Nurly jol» temirjol vokzaly arasyndaǵy kóliktik baılanysty qamtamasyz etýge múmkindik beredi, J.Nájimedenov, Kereı-Jánibek handar, Q.Muhamedhanov kóshelerinde ornalasqan turǵyn úı keshenderine kóliktik qyzmet kórsetýdi, sondaı-aq Úrker turǵyn alaby ishindegi qoǵamdyq kólikpen qamtýdy arttyrady.

Aıta ketý kerek, №66 baǵdar qoldanystaǵy №№ 14, 35, 36, 45, 50, 56 baǵdarlarynyń júktemesin azaıtady.