Erteń Astanada jańa avtobýs baǵdary iske qosylady

ASTANA. KAZINFORM – Erteń, 24 aqpannan bastap «Astanaınert» – «№ 4 órt sóndirý bólimi» qatynasymen jańa № 42 baǵyt iske qosylady. Bul týraly qala ákimdiginiń baspasóz qyzmeti málimdedi.

Baǵyt:

- «Agroqalashyq» turǵyn alabynda Oqjetpes, Qarbyshev, Musa Jalel, Aqan seri kóshelerine;

- Qaramende bı Shakauly, Sh. Aıtmatov kóshelerine, «Sharyn», «Madrıd» TK;

- «Jaǵalaý» shaǵynaýdanynda Sh. Aıtmatov, Syǵanaq kósheleri, «Brussels», «Jaǵalaý-3», «Qulager», «Shyǵys», «Sat city», «Zelenyı kvartal» turǵyn úı keshenderine kóliktik qyzmet kórsetýdi jaqsartady. Oǵan qosa buǵan deıin qoǵamdyq kólik júrmegen Turan dańǵylynyń Uly dala dańǵylynan Hýseın ben Talal kóshesine deıingi aralyqta qyzmet kórsetýdi júzege asyrady.

Sondaı-aq baǵyt «QR ІІM ortalyq gospıtali», «№2 qalalyq kópsalaly aýrýhana», «№3 kópsalaly qalalyq balalar aýrýhanasy», «QR PІB Medıtsınalyq ortalyǵynyń aýrýhanasy» aýrýhanalaryna qyzmet kórsetýdi jaqsartýǵa múmkindik beredi.

Aıta keteıik, Turan dańǵylynyń Orynbor jáne R.Baǵlanova kósheleriniń arasy ýaqytsha jabyq bolýyna baılanysty, baǵdar Qabanbaı batyr dańǵylymen júredi.