Erteń Almatynyń Almaly aýdanynda sý bolmaıdy

ALMATY. QazAqparat – Erteń Almaly aýdanynda bir kún sýyq sý bolmaıdy. Bul týraly «Almaty sý» memlekettik kommýnaldyq kásipornynyń baspasóz qyzmeti málim etti, dep habarlaıdy QazAqparat tilshisi.

Kásiporynnyń málimetinshe, sýmen jabdyqtaý jelilerindegi josparly jumystarǵa baılanysty birqatar turǵyn úı men ǵımarattar sýyq sýdan ajyratylady.

«8 maýsym kúni tańǵy saǵat 9:00-den keshki saǵat 20:00-ge deıin Tilendıev – Raıymbek – Rozybaqıev – Dúısenov kósheleriniń boıynda ornalasqan turǵyn úıler men ózge de ǵımarattarǵa sýyq sý berý ýaqytsha toqtatylady», - delingen habarlamada.

«Almaty sý» mekemesi ýaqytsha qolaısyzdyqqa túsinistikpen qaraýdy ótinedi.