Ernar Jańádil AHQO ákimshiligin basqarady

ASTANA. KAZINFORM – «Astana» halyqaralyq qarjy ortalyǵynyń Dırektorlar keńesi AHQO ákimshiliginiń basqarma tóraǵasy qyzmetine Ernar Jańadildi bekitti. 12 tamyzda ol óz mindetterine kirisedi, dep habarlaıdy Kazinform ortalyqtyń baspasóz qyzmetine silteme jasap.

Ernar Janadil 17 jyldan astam ýaqyt strategııalyq jáne bıznes-josparlaý, bıznesti damytý jáne ınvestıtsııalar salasynda jumys istedi. Buǵan deıin «Samuryq-Qazyna», «Qazaq Green Power plc» qorynda jumys istegen.

Kolýmbııa bıznes mektebinde EMBA baǵdarlamasyn oqyǵan, Kolýmbııa ýnıversıtetinde (AQSh) jáne London bıznes mektebinde (Ulybrıtanııa) bilim alǵan.

Buǵan deıin Manchester bıznes mektebinde (Ulybrıtanııa) «Bolashaq» baǵdarlamasy boıynsha oqyǵan. Birneshe halyqaralyq kásibı sertıfıkattary bar: CMA – Basqarýshy býhgalterler ınstıtýty (AQSh), IPMA – halyqaralyq jobalardy basqarý qaýymdastyǵy (Shveıtsarııa), ACCA – aıryqsha quqyqty býhgalterler qaýymdastyǵy (Ulybrıtanııa).