Erlan Turǵymbaev eki aıǵa qamaldy
ASTANA. KAZINFORM - Bas prokýratýra burynǵy Іshki ister mınıstri Erlan Turǵymbaevtyń eki aıǵa qamalǵanyn rastady.
Vedomstvonyń málimetinshe, Astana qalasynyń mamandandyrylǵan tergeý soty 30 sáýirde burynǵy mınıstr Erlan Turǵymbaevqa qatysty eki aı merzimge «kúzetpen ustaý» túrindegi bultartpaý sharasyn sanktsııalaǵan.
«QR QPK 201-babyna sáıkes ózge málimetter jarııalaýǵa jatpaıdy» deıdi Bas prokýratýradan.
Eske sala keteıik, eks-mınıstr sáýirdiń sońynda 2022 jylǵy qańtar oqıǵasy kezinde qyzmettik ókilettigin asyra paıdalandy degen bap negizinde qozǵalǵan is boıynsha ustaldy.
Aıta keteıik, Erlan Turǵymbaev QR Іshki ister mınıstrligin 2019 jyldan bastap basqardy.
Ol laýazymynan qańtar oqıǵasynan soń 2022 jyly bosatylǵan bolatyn.
Budan soń ol jarty jyldaı Prezıdenttiń keńesshisi, al 2023 jyly ShYU Óńirlik terrorızmge qarsy qurylymynyń keńesshisi qyzmetine taǵaıyndaldy.
