Erlan Saıyrov Prezıdenttiń 2 jyldyǵy týraly: Qoǵamdyq-saıası reformalarǵa basymdyq berildi
«Qasym-Jomart Toqaevtyń búkilhalyqtyq saılaýda jeńip shyqqanyna eki jyl boldy. Osy eki jylda elimizde eń birinshi qoǵamdyq-saıası salada evolıýtsııalyq turǵyda reformalar bolyp jatyr. Ózderińiz bilesizder, eń aldymen Ulttyq keńes quryldy. Osy Ulttyq keńes aıasynda bizdiń elimizdegi saıası reformalardy júzege asyrýdyń paketteri usynyldy. Birinshi paket boıynsha mıtıng týraly jańa turpattaǵy zań qabyldandy, sonymen birge «parlamenttik oppozıtsııa» uǵymy paıda boldy. Partııa týraly zańǵa ózgerister engizip, jastar men áıelderge 30 paıyzdyq kvota engizildi. Ekinshi paket boıynsha, bıyldan bastap aımaqtarda, aýdandyq deńgeıdegi aýyl, poselok, qalalardyń ákimderi saılanatyn bolady. Bıyl 830 ákim saılanady, bul elimizdegi saıası reformalardyń aımaqtarǵa kóshkendiginiń belgisi», - dedi E. Saıyrov QazAqparat tilshisine bergen suhbatynda.
Sonymen birge, saıasattanýshy halyqtyń áleýmettik jaǵdaıyn túzeýge arnalǵan birqatar sheshim týraly aıtty.
«Eń aldymen kredıttik amnıstııa jasaldy, muǵalimder men dárigerlerdiń jalaqysy ósti, sosyn aýyldarda mal urlaýǵa qatysty zań kúsheıtildi. Bul da halyqtyń áleýmettik jaǵdaıyn retteýge baǵyttalǵan qadam. Ekonomıkaǵa oıyssaq, kvazımemlekettik sektordyń satyp alýlaryn baqylaý, baqylaǵanda qazaqstandyq óndirýshilerge basa nazar aýdarý máselesine arnalǵan zańǵa jaqynda Prezıdent qol qoıdy. Osy qadamdardyń barlyǵy elimizdegi áleýmettik-ekonomıkalyq, qoǵamdyq-saıası máselelerdi sheshýde evolıýtsııalyq-progressıvti sheshimderdiń qabyldanyp jatqanynyń kórsetkishi, ol sheshimderdiń eń basynda QR Prezıdenti Qasym-Jomart Kemeluly Toqaev tur», - deıdi Erlan Saıyrov.
Eske sala ketsek, 2019 jyly Nur-Sultan ýaqytymen 20.00-de Qazaqstanda kezekten tys Prezıdent saılaýyna daýys berý aıaqtaldy. Saılaýshylardyń 77,5% daýys berýge qatysty. «Nur Otan» partııasynyń atynan QR Prezıdenti kandıdattyǵyna túsken Qasym-Jomart Toqaevqa saılaýshylardyń 70,76%-y daýys bergen.
