Erlan Saıyrov:Bizge bılikti bólýdiń myqty ınstıtýty qajet

NUR-SULTAN. QazAqparat – Bizge bılikti bólýdiń myqty ınstıtýty qajet. Mundaı pikirdi QR Parlamenti Májilisiniń depýtaty Erlan Saıyrov bildirdi, dep habarlaıdy QazAqparat tilshisi.

«Keshe «Habar» telearnasyna suhbat bergen Prezıdent Parlamentti de, partııalyq júıeni de transformatsııalaý qajettigin aıtty. Eger partııalyq júıe transformatsııalanatyn bolsa, onda «Nur Otan» partııasy eýropalyq úlgidegi uıymǵa aınalýy tıis. Partııada ákimshilik yqpal etý, birjaqty áleýmettik-ekonomıkalyq máselelerde lobbılendirý syndy elementter bolmaýy tıis. ıAǵnı, partııa adamdarmen tikeleı jumys isteýge qabiletti shynaıy saıası kúshke aınalýy qajet. Biz soǵan umtylýymyz qajet. Sonda ǵana elimizdiń áleýmettik-ekonomıkalyq damýyna óz úlesin qosýǵa qabiletti turaqty is-sharalar júzege asyrylady», - dedi Erlan Saıyrov.

Onyń atap ótýinshe, bizge bılikti bólýdiń myqty ınstıtýty kerek.

«Memlekettik ınstıtýttar pikir alýandyǵynyń negizin qalyptastyrady jáne saıası turaqtylyqtyń irgetasy sanalady. Parlamentte saıası kúshterdiń keń spektri bolýy tıis. Bul el turaqtylyǵynyń kepili», - dedi Erlan Saıyrov.