Erkin kúresten qazaqstandyq balýandar 3 lıtsenzııalyq jarysqa qatysady
ASTANA. KAZINFORM - Erkin kúresten qazaqstandyq balýandar aldaǵy Parıj Olımpıadasyna joldamany sarapqa salatyn úsh jarysqa qatysady.
Aldymen 19-21 sáýir kúnderinde Qyrǵyzstan astanasy Bishkek qalasynda qurlyqtyq irikteý týrnıri bolady. Oǵan elimizdiń atynan bes balýan qatysa alady.
Sondaı-aq, qazaqstandyq balýandardyń Túrkııanyń Ystanbul qalasynda ótetin álemdik irikteý týrnırinde joldamany ıelenýge múmkindigi bar.
Al 9-12 mamyrda álemdik irikteý týrnıri jalaýyn kóteredi.
Qazirge deıin erkin kúresten Azamat Dáýletbekov ((86 keli) Olımpıada joldamasyna ıe bolǵan.
Qazir erkin kúresten oqý-jattyǵý jıyny Almaty oblysyndaǵy «Aqbulaq» olımpıadalyq bazasynda ótýde.
Aıta ketsek, Birikken kúres álemi (UWW) 2024 jyly Jazǵy Olımpıada oıyndarynyń baǵdarlamasyna engizilmegen salmaq dárejeleri boıynsha álem chempıonatyn ótkizedi.
Dúbirli doda 28-31 qazan aralyǵynda Albanııa astanasy Tırana qalasynda ótedi dep josparlanyp otyr.
