Erıka Jaılaýova Sofia Cup týrnırinde qola medal jeńip aldy

ASTANA. KAZINFORM – Bolgarııa astanasy Sofııada ótip jatqan kórkem gımnastıkadan halyqaralyq týrnırde kópsaıystan jekeleı synnyń irikteýi aıaqtaldy.

Sportty damytý dırektsııasynyń baspasóz qyzmeti málim etkendeı, kópsaıysta qazaqstandyq Erıka Jaılaýova 125.15 upaı jınap, 3-oryndy jeńip aldy. 

Munda bolgarııalyq gımnastar – Borıana Koleın men Elvıra Krasnobaeva jaqsy nátıje kórsetti. Taǵy bir otandasymyz Aıym Meıirjanova 4-satydan kórindi (124.25 ball). 
Bul baǵdarlamanyń fınaly erteń ótedi.

Endi ulttyq qurama sportshylary Mılana Parfılova – dop, shyǵyrshyq, lentadan, al Erıka Jaılaýova – shyǵyrshyq, dop, urshyqtan, Aıym Meıirjanova – urshyq pen lenta jattyǵýynda júldege talasady.

Osy oraıda aıta keteıik, Erıka Jaılaýova 2023 jyly Valensııadaǵy lıtsenzııalyq álem chempıonatynyń irikteý satysnda fınaldyq kezeńge ótýge sál ǵana jetpeı, 19-orynǵa turaqtaǵan edi. Sonymen qatar ol ótken jyly Hanchjoý tórindegi komandalyq jarysta 3-oryn alǵan bolatyn.