Erevanda kedendik protsesterdi jetildirý máselesi talqylandy
ASTANA. KAZINFORM — Qazaqstan delegatsııasy, Memlekettik kirister komıtetiniń tóraǵasy Jandos Dúısembıevtiń basshylyǵymen 2025 jylǵy 28 aqpanda Armenııa astanasy Erevanda qalasynda ótken EAEO Keden qyzmeti Birikken alqasynyń 49-shy otyrysyna qatysty. Bul týraly Memlekettik kirister komıeteti málimdedi.
Otyrysta ıntegratsııalanǵan biriktirý keńistiginde kedendik protsesterdi jetildirý jáne ońaılatý jónindegi máseleler keńinen talqylandy.
Taraptar zańsyz tranzıt pen halyqaralyq tasymaldaý kólik quraldarynyń sanktsııalanbaǵan tasymaldaryna qarsy is-qımylǵa baǵyttalǵan sheshimder qabyldady. Taýarlardy jikteý jáne táýekelderdi basqarý júıesin jetildirý máseleleri talqylandy.
Taýarlardy shoǵyrlandyrylǵan tasymaldaý kezinde formaldylyqty ońaılatýǵa baǵytalǵan HJT kitapshalaryn kedendik rásimdeý boıynsha kelisilgen tásilder jeke qaraldy jáne qabyldandy.
Sonymen qatar, keden organdary EAEO-da tasymaldaýdy baqylaý úshin navıgatsııalyq mórlerdi qoldaný týraly kelisimdi iske asyrýdy bastaýǵa baılanysty Navıgatsııalyq mórlerdi qoldaný boıynsha ádistemelik nusqaýlyqtardy jańartý qajettiligi týraly ýaǵdalasty.
Óz kezeginde Qazaqstan tarapy, Qazaqstan Respýblıkasynda kedendik protsesterdiń ashyqtyǵyn jáne avtomattandyrylýyn qamtamasyz etýge arnalǵan jańa «KEDEN» aqparattyq júıesiniń jumys istep turǵany týraly málimdedi.
Keden qyzmeti Birikken alqasynyń kelesi, mereıtoılyq otyrysy aǵymdaǵy jylǵy II toqsanda Qyrǵyz Respýblıkasynda ótetin bolady.