Elde 4 506 adam donorlyq aǵza kezeginde tur
ASTANA. KAZINFORM – 2025 jyly donorlyq aǵzalardyń bolmaýyna baılanysty 342 adam kóz jumdy. Bul týraly DSM baspasóz qyzmeti habarlady.
Bir jyldyń ishinde qaıtys bolǵannan keıingi donorlardan 18 donorlyq protsess júrgizildi, bul ómirlik mańyzdy aǵzalardy 68 transplantattaýǵa múmkindik berdi. Bul rette 184 áleýetti donor anyqtaldy, júıe jumys isteıdi, biraq qoǵamnyń senimi men habardarlyǵy máselesi sheshýshi bolyp qala beredi.
Búgingi tańda kútý paraǵynda balalardy qosqanda 4506 patsıent bar. Tek 2025 jyly donorlyq aǵzalardyń bolmaýyna baılanysty 342 adam transplantattaýdy kúte almaı, kóz jumdy.
Jyl ishinde kadrlardy daıarlaý kúsheıtildi: transplantattaýdy úılestirý boıynsha sertıfıkattaý kýrsy engizildi (168 maman), 42 dáriger shetelde oqýdan ótti.
Aıta ketelik Pavlodarda donor áıel tórt adamnyń ómirin uzartýǵa sebepshi bolǵan edi. Sonymen qatar aqmolalyq donordyń búırekteri kútý paraǵynda turǵan eki patsıentke aýystyryldy.