Erbolat Dosaevtyń atynan feık akkaýnttar ashylýda – ákimdik

ALMATY. QazAqparat - Áleýmettik jelilerde Almatynyń jańa ákimi Erbolat Dosaevtyń atynan jalǵan akkaýnttar ashylýda, dep habarlaıdy QazAqparat tilshisi.

«Almaty qalasy ákiminiń atyn qoldanyp, áleýmettik jelilerde akkaýnttardyń jappaı paıda bolýyna baılanysty, bul profaıldardyń jalǵan ekenin jáne qala ákimi Erbolat Dosaevqa esh qatysy joq ekenin habarlaımyz. Osyǵan oraı tek resmı aqparat kózderine senim bildirýdi suraımyz» delingen baspasóz habarlamada.

Aıta keteıik, búgin Erbolat Dosaev Almaty qalasynyń ákimi qyzmetine taǵaıyndaldy. Al Baqytjan Saǵyntaev Memleket basshysynyń jarlyǵymen qyzmetinen bosatyldy. Ol Almaty ákimi laýazymyna 2019 jyly taǵaıyndalǵan bolatyn.
Sondaı-aq QR Prezıdenti Qasym-Jomart Toqaev Almaty qalasynyń ákimi Baqytjan Saǵyntaevty qyzmetinen bosatýǵa qatysty óz pikirin aıtqan edi.