Erbolat Dosaev ınflıatsııanyń ósý sebebin atady
«Álemde shıkizattyń jáne kólikpen tasymaldaý baǵasy ósýiniń jalǵasýy álemde ınflıatsııalyq qysymdy saqtap otyrǵanyn da atap ótken jón. Bıylǵy jylǵy qazanda ósimdik maıy, bıdaı ónimderi men sút ónimderi qymbattaýy esebinen FAO azyq-túlik baǵalarynyń ındeksi 3 paıyzǵa ósip, 133,2 tarmaqqa jetti. Metaldar shamamen 1,5 ese qymbattady. Konteınerler jetispeýinen qurǵaq júkti tasymaldaý quny (Baltic Dry Index) 2020 jylǵy mamyrdan bastap 7 ese ósti. Nátıjesinde óndirýshiler óniminiń ózindik qunynyń ósýi tutyný baǵalaryna aýysady», - dedi «2022-2024 jyldarǵa arnalǵan respýblıkalyq bıýdjet týraly» zań jobasy týarly baıandaǵan Erbolat Dosaev.
Onyń atap ótýinshe, atalǵan syrtqy faktorlar baǵanyń ósýi úshin qolaısyz ortany qalyptastyrady jáne ishki faktorlarmen qatar teń dárejede Qazaqstanda ınflıatsııanyń aǵymdaǵy ósýine alyp keldi.
«Bıylǵy 2-jartyjyldyqtan bastap Qazaqstanda ınflıatsııa tutynýshylyq belsendiliktiń tez qalpyna kelýi, ekonomıkany fıskaldyq yntalandyrýdyń jalǵasýy jáne jekelegen taýar naryqtaryndaǵy dısbalanstar nátıjesinde ósti»,. – dedi Ulttyq bank tóraǵasy.