Erbolat Dosaev bıylǵy ınflıatsııanyń boljamdy shegin atady
«2020 jylǵa arnalǵan jalpy ishki ónimniń naqtylanǵan boljamy Ulttyq banktiń baǵalaýyna sáıkes keledi. Naqty dınamıka men qalyptasqan syrtqy faktorlardy eskere otyryp, biz boljamymyzdy osy jyldyń qyrkúıeginde jarııa ettik. Oǵan sáıkes 2020 jyly JІÓ 2,0-2,3% paıyzǵa tómendeıtinin boljap otyrmyz», - dedi Erbolat Dosaev Úkimet otyrysynda.
Onyń aıtýynsha, JІÓ boıynsha jańartylǵan derekterdiń negizinde aqsha-kredıt saıasaty men tólem balans kórsetkishiniń boljamy jańartylǵan.
«Jyldyq ınflıatsııa 2020 jyldyń sońyna deıin 8,0%-ke deıin ózgeredi. Oǵan azyq-túlik baǵasynyń qymbattaýy, aıyrbastaý baǵamynyń baǵa belgileý protsesterine aýysýy jáne aqyly qyzmetter ınflıatsııasynyń jyldamdaýy áser etedi. 2020 jyly depozıtterdiń ósý boljamy 1,8%-ten valıýtalyq depozıtterdi qaıta baǵalaý áserin jáne olardyń teńgelik salymdarǵa aýysýyn eskere otyryp, 8,7%-ke deıin naqtylandy. Al depozıtter boljamyn qaıta qaraı otyryp, 2020 jyly aqsha massasynyń ósý boljamy 4,7%-ten 10,8%-ke deıingi aralyqta bolady», - dedi ol.