Erbolat Dosaev 2022 jylǵy ınflıatsııaǵa boljam jasady

NUR-SULTAN. QazAqparat – 2022 jyly ınflıatsııa 6-6,5 paıyz bolady. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Qarasha-jeltoqsan» boljamdy raýndy aıasynda Ulttyq bank negizgi makroekonomıkalyq kórsetkishterdiń boljamdaryn jańartty. 2021 jyly joǵary bazadan shyǵýdy jáne syrtqy ınflıatsııalyq qysymnyń birtindep qysqarýyn eskersek, 2022 jyly sharyqtaý shegi birinshi toqsanda ortasha eseppen toqsan ishinde 8,8 paıyz boljanatyn ınflıatsııanyń baıaýlaýy kútiledi», - dedi Erbolat Dosaev.

Osy rette Ulttyq bank tóraǵasy keler jyly boljanatyn ınflıatsııanyń paıyzdyq mólsherin atady.

«Jańartylǵan bazalyq stsenarııge sáıkes, munaı baǵasy bir barrel úshin 70 AQSh dollary bolǵan kezde ınflıatsııa 2022 jyldyń sońyna taman Inflıatsııaǵa qarsy den qoıý is-sharalarynyń keshenin tıimdi iske asyrý nátıjesinde 6,0-6,5 paıyz bolady», - dedi ol.