Erbol Qarashókeev elimizdegi mal basyna preparattardy alý tártibin túsindirdi
«Dereý sheshýdi talap etetin ótkir problemalardyń biri - Veterınarııalyq baqylaý jáne qadaǵalaý komıteti vaktsınalardy satyp alýdy ózi júrgizedi jáne onyń qoldanylýyna baqylaý jasaıdy. Ýákiletti organ bekitken tizbege engizilgen janýarlardyń asa qaýipti aýrýlarynyń profılaktıkasy ınfektsııalyq aýrýlardyń 23 túri boıynsha respýblıkalyq bıýdjetten qarjylandyrylady. Bul preparattardy satyp alýdy atalǵan komıtet jáne onyń vedomstvolyq baǵynysty uıymdary, al jetkizýdi jergilikti atqarýshy organdar júzege asyrady», - dedi E. Qarashókeev.
Onyń aıtýynsha, 2021 jyly Veterınarııalyq baqylaý jáne qadaǵalaý komıteti satyp alǵan veterınarııalyq preparattardyń jalpy kólemi 136 mln dozany qurady. Onyń ishinde 13 otandyq jáne 7 sheteldik preparat bar.
Bul jaǵdaı birqatar problemalardy týdyrdy:
1. Veterınarııalyq mamandardy fýnktsıonaldyq mindetterin oryndaýdan alshaqtatý, olardyń konkýrstyq rásimderdi ótkizýmen baılanysty ózine tán emes jumystardy oryndaýy. 2021 jyly ártúrli tásildermen 6 030 memlekettik satyp alý/konkýrstar júzege asyryldy.
2. 2022 jyly otandyq óndirýshilermen bir kózden tikeleı shart jasasý Qazaqstan zańnamasynda kózdelmegen:
- uzaq konkýrstyq rásimder saldarynan vaktsınalar men dıagnostıkýmdardy ýaqtyly satyp alý jáne jetkizý boıynsha problema týyndaıdy;
- otandyq bıologııalyq ónerkásipti damytý úshin jaǵdaılar shekteledi.
Veterınarııalyq júıeni reformalaý aıasynda osy máselelerdi sheshý úshin mynalar usynylady:
- Densaýlyq saqtaý júıesiniń uqsastyǵy boıynsha Biryńǵaı dıstrıbıýtordyń, ıaǵnı qyzmetin sapany basqarýdyń halyqaralyq standarttaryna sáıkes júzege asyratyn mamandandyrylǵan memlekettik kompanııanyń qaramaǵyna bere otyryp, otandyq jáne sheteldik óndirýshilerden veterınarııalyq preparattardy tikeleı satyp ala otyryp, komıtet pen onyń vedomstvolyq baǵynysty uıymdarynan memlekettik satyp alý fýnktsııalaryn alyp tastaý. Mundaı tásil bıologııalyq ónerkásip kásiporyndarymen, onyń ishinde otandyq kásiporyndarmen uzaq merzimdi sharttar jasasýǵa múmkindik beredi, bul eldiń ınvestıtsııalyq tartymdylyǵyn arttyrady.
