Erbol Іrgebaı: Qaıym Muhamedhanovtyń esimin ulyqtaı bilýimiz kerek

NUR-SULTAN. QazAqparat – Nur-Sultan qalasynyń № 90 mektep-gımnazııasynyń dırektory, qaıymtanýshy, Qaıym Muhamedhanovtyń shyǵarmalar jınaǵynyń 10-tomdyǵyn qurastyrýshy Erbol Іrgebaı ǵalymnyń esimin ulyqtaý jolynda birneshe usynys baryn málim etti, dep habarlaıdy QazAqparat tilshisi.

«Biz «Qaıym Muhamedhanovtyń ómiri men shyǵarmashylyǵy arqyly jan-jaqty damyǵan tulǵany qalyptastyrý» degen joba ázirledik. Osyndaǵy negizgi Qaıym Muhamedhanovtyń tulǵalyq qasıeti týraly aıtyp jatyrmyz ǵoı. Ol – ǵalym, ustaz, aqy, drammatýrg, aýdarmashy, tekstolog. Qaıymnyń ǵumyryn ary qaraı biz tanystyrýymyz kerek. Qaıymnyń mýzeıi ashylsa, Qaıym oqýlary ótse, Qaıymtaný kýrsy bolsa deımiz. «Er Qazaq» pen Qaıym degen – bir-birinen ajyramaıtyn sózder. Osy rette «Er Qazaq» degen bir jýrnal shyǵarylsa deımin. Qaıymnyń ómirin tanystyrýǵa arnalǵan ekspedıtsııalar uıymdastyrylyp, Qaıymnyń atyndaǵy syılyqtar bolsa degen usynystar bar», - dedi Erbol Іrgebaı Nur-Sultan qalasynyń «Rýhanı jańǵyrý» jobalyq keńsesindegi brıfıngide bergen suhbatynda.

Onyń aıtýynsha Qaıymnyń boıyndaǵy izgi qasıetterdi qazirgi jas býynnyń boıyna sińire bilgen abzal.

«Osy jobada atalǵan máselelerdiń bárin qamtýǵa tyrystyq. Sátin salsa keleshekte ony mindetti túrde júzege asyramyz degen oıdamyz», - dedi ol.

Eske sala ketsek sovet zamanyndaǵy Qaıym Muhamedhanovtyń solaqaı saıasattan kórgen qysastyǵy týraly buǵan deıin maqala jarııalaǵan edik.

Foto: old.elorda.info