Eraly Toǵjanov qazaqstandyq vaktsına saldyrdy

NUR-SULTAN. QazAqparat – QR Premer-Mınıstriniń orynbasary Eraly Toǵjanov koronavırýsqa qarsy qandaı vaktsına salǵyzǵanyn aıtyp berdi, dep habarlaıdy QazAqparat tilshisi.

«Iá, men «QazVac» vaktsınasyn saldyrdym. Árıne, bul – qaýipsizdik pen densaýlyqty qamtamasyz etýdegi óte mańyzdy qadam. Sondyqtan barlyq qazaqstandyqtarǵa qajetti vaktsınalardy jedel qabyldaýǵa keńes beremin. Qazaqstanda vaktsınalardyń birneshe túri bar. Ázirge vaktsınadan basqa jol joq», - dedi E. Toǵjanov Ortalyq kommýnıkatsııalar qyzmetinde tilshiler suraǵyna bergen jaýabynda.

Buǵan deıin, Premer-Mınıstr orynbasary Qazaqstanda vaktsınalaý qarqyny kóńil kónshitpeıtinin jáne vaktsınalaý sanyn arttyrý talaptary kúsheıetinin aıtqan edi.

Sonymen birge, otandyq «QazVac» vaktsınasy el azamattaryn qamtamasyz etken soń ǵana kórshi elderge jiberiledi.