Epshteın isi boıynsha tekserý bastaldy – Bas prokýror

ASTANA. KAZINFORM – Elimizdiń Bas prokýratýrasy Epshteın isi boıynsha tekserý bastady. Bul týraly Bas prokýror Berik Asylov aıtty.

Buǵan deıin Bas prokýrordyń atyna saýal joldaǵan JSDP fraktsııa jetekshisi, depýtat Ashat Rahymjanov elimizdiń burynǵy joǵary laýazymdy eks-sheneýnikteriniń Djeffı Epshteınmen baılanystaryn tekserý qajettigin aıtqan bolatyn.

- Árıne, bul mańyzdy másele. Muny búkil álem talqylap jatyr. Sondyqtan Bas prokýratýra da, ózge de vedomstvolyq organdar atalǵan faktilerdiń bolǵan-bolmaǵanyn tekseredi, - dedi ol Aqordada.

Bas prokýror naqty adamdardyń aty-jónin ataǵan joq. Biraq, BAQ ókilderi tarapynan qoıylǵan Kárim Másmovke qatysty naqtylaý suraǵyna ol atalǵan tulǵaǵa qatysty aldyn ala tekserý bastalǵanyn rastady.

- Aldyn ala tekserýdi bastadyq. Depýtat Epshteın Qazaqstanǵa keldi me, kelmedi me degen saýal qoıdy. Osyǵan qatysty tekserý júrip jatyr. Al Kelimbetovtiń barǵan-barmaǵany qosymsha tekseriledi, - dedi Berik Asylov.