Epıdahýaldy baǵalaý: Almaty oblysy «jasyl» aımaqqa shyqty

TALDYQORǴAN. QazAqparat - Ótken táýlikte Almaty oblysynda 78 adamnan koronavırýs anyqtaldy, dep habarlaıdy QazAqparat tilshisi.

Sonyń ishinde Taldyqorǵan qalasynda 15 jaǵdaı, Qaratal aýdanynda – 11, Talǵar aýdanynda – 10, Alakól jáne Panfılov aýdandarynda 7 jaǵdaıdan, Sarqan, Іle jáne Qarasaı aýdandarynda 5 jaǵdaıdan, Eńbekshiqazaq, Jambyl jáne Kerbulaq aýdandarynda 3 jaǵdaıdan, Kóksý jáne Uıǵyr aýdandarynda 2 jaǵdaıdan tirkeldi.

Sondaı-aq ótken táýlikte 45 adam emdelip shyqty. Óńir «jasyl» aımaqta.

«17-aqpandaǵy jaǵdaı boıynsha óńirde 621 adam statsıonarlyq em qabyldaýda. Bir táýlikte aýrýhanalarǵa 71 adam tústi. Óńirdiń aýrýhanalaryndaǵy tósek oryndar sany – 2780. Tósek-oryn júktemesi – 22,3 %. Jansaqtaý bóliminde 21 adam em qabyldaýda. Jansaqtaý bólimindegi tósek oryndardyń júktemesi 7,5 % quraıdy (280 jatyn oryn).

Sońǵy 3 kúnde 5699 adamnyń koronavırýsqa synamalary zerthanalarda tekserildi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Vedomsvtonyń aqparatyna sáıkes, Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 978 321. Sonyń ishinde ótken kúni ekpe alǵandar sany – 1379. Ekpeniń 2-shi komponentin alǵandar sany – 887 010. Sonyń ishinde ótken kúni ekpe alǵandar sany 1447 adam.