EO Ortalyq Azııamen yntymaqtastyqty 4 baǵyt boıynsha ilgeriletpek - Ýrsýla fon der Lıaıen

SAMARQAND. KAZINFORM – Eýropa Odaǵy Ortalyq Azııamen yntymaqtamtyqty 4 negizgi baǵyt boıynsha ilgeriletýge múddeli, dep habarlaıdy Kazinform agenttiginiń menshikti tilshisi Álıhan Asqar.

Bul týraly «Ortalyq Azııa – Eýropa Odaǵy» sammıti aıasynda ótken baspasóz máslıhatynda Eýropalyq komıssııa prezıdenti Ýrsýla fon der Lıaıen málim etti.

Yntymaqtastyqtyń birinshi baǵyty - kólik dálizderin damytý. Ýrsýla fon der Lıaıen atap ótkendeı, Eýroodaq Transkaspıı kólik dálizine 10 mlrd eýro bólýge nıetti. Qarajat qos óńir arasyndaǵy júk tasymaly ýaqytyn 15 kúnge deıin qysqartýǵa múmkindik beretin jobalardy iske asyrýǵa baǵyttalady.

- Transkaspıı kólik dálizi Ortalyq Azııanyń 5 elimen Eýropa arasyndaǵy baılanysty nyǵaıta túserine senimdimin, - dedi Ýrsýla fon der Lıaıen baspasóz máslıhatynda.

Ekinshi baǵyt mańyzdy mıneraldar tóńiregindegi jobalarǵa qatysty. Bul rette Eýropalyq komıssııa prezıdenti paıdaly qazba baılyqtaryn óndirýmen shektelmek, jergilikti ónekásipti damytýǵa kómek kórsetiletinin aıtty.

- Eýropa Odaǵy jergilikti ónerkásipti damytýǵa jáne aımaqta daıyn taýar shyǵaratyn kásiporyndar qurý boıynsha kómek kórsetedi. Tıisinshe, jańa jumys oryndary qurylyp, ekonomıka órkendeıdi, - dep toqtaldy.

Yntymaqtastyqtyń úshinshi baǵyty - jasyl energııa. Ýrsýla fon der Lıaıenniń aıtýynsha, Ortalyq Azııa elderi ishki jáne syrtqy suranysty jabýǵa jetetin ekologııalyq taza energııa óndirip jatyr.

Al Eýropalyq komıssııa prezıdenti toqtalǵan tórtinshi baǵyt - spýtnıktik ınternetti damytý. Eýroodaq keler jyldary Ortalyq Azııadaǵy 1700 eldi mekendi ınternetpen qamtýdy josparlap otyr.

- Samarqand sammıti Ortalyq Azııa men Eýropa Odaǵy arasyndaǵy qarym-qatynastyń jańa taraýyn ashty. Osylaısha, biz strategııalyq seriktestikti búginnen bastaımyz, - dep túıindedi Ýrsýla fon der Lıaıen.

Aıta keteıik, búgin Ózbekstannyń Samarqand qalasynda «Ortalyq Azııa - Eýropa Odaǵy» formatyndaǵy alǵashqy sammıti ótti. Onyń barysynda Memleket basshysy Qasym-Jomart Toqaev birqatar bastama kóterdi.