Endi jaǵdaıy tómen azamattar jergilikti organdardyń esebinen saqtandyrylady
ASTANA. KAZINFORM — Jańa jyldan bastap medıtsınalyq saqtandyrýy joq azamattardyń 5 paıyzy MÁMS júıesi arqyly kómek ala alady. Bul týraly «MÁMS aıasyndaǵy ózgerister týraly» brıfıngte «Áleýmettik medıtsınalyq saqtandyrý qory» KEAQ Astana qalalyq fılıaly dırektorynyń orynbasary Abzal Zeıdýlla habarlady.
– 2026 jyldyń basynan bastap áleýmettik ál-aýqatynyń shuǵyl deńgeıindegi D jáne E sanattaryna jatatyn azamattar úshin MÁMS jarnalary olar medıtsınalyq kómekke júgingen sátte jergilikti atqarýshy organdardyń esebinen tólenedi. Bul degenimiz – tabysy tómen taǵy 5 paıyz Qazaqstan Respýblıkasy azamattary MÁMS júıesi arqyly medıtsınalyq kómek alý múmkindigine ıe bolady. Sonymen qatar, jergilikti atqarýshy organdardyń jumyssyzdyq deńgeıin tómendetý jáne halyqty jumyspen qamtýǵa járdemdesý boıynsha tikeleı jaýapkershiligin eskere otyryp, resmı tirkelgen jumyssyz azamattar úshin MÁMS jarnalaryn tóleý shyǵyndary da jergilikti atqarýshy organdardyń mindetine júkteledi, – deıdi Abzal Zeıdýlla.
Qazirgi tańda Astana qalasy boıynsha 263 myń adam MÁMS júıesinen tys qalyp otyr. Olardyń ishinde shamamen 56 myń adam – áleýmettik ál-aýqaty daǵdarystyq jáne shuǵyl deńgeıdegi azamattar.
– Sońǵy eki aıda MÁMS júıesinde saqtandyrylmaǵandar sany 25 myń adamǵa artty. Bul ósim halyqtyń joǵary kóshi-qonyna, sondaı-aq MÁMS jarnalary men aýdarymdarynyń tólenbeýine baılanysty bolǵan. Saqtandyrylmaǵan azamattardyń ishinde sońǵy 12 aı boıy tólem jasamaǵandar sany 129 myń adam. Onyń ishinde ózin-ózi jumyspen qamtyǵandar – 9 myń, jaldamaly qyzmetkerler – 97 myń, jeke kásipkerler – 27 myń adam, – deıdi spıker.
5 jeltoqsan kúngi derek boıynsha Astana qalasynda bastapqy medıtsınalyq-sanıtarlyq kómek uıymdaryna 1,6 mıllıonnan astam adam tirkelgen.
– Olardyń ishinde 20 164 adam – saqtandyrylmaǵan, biraq sozylmaly aýrýlar boıynsha dıspanserlik esepte turǵan azamattar. Eger 2025 jylǵy 18 qarashada dıspanserlik esepte turǵan saqtandyrylmaǵan azamattar sany 25 700 adam bolsa, 2025 jylǵy 5 jeltoqsanda bul kórsetkish 20 myń adamǵa deıin tómendedi. ıAǵnı 5 500 adamǵa nemese 21 paıyzǵa azaıý baıqalady, – deıdi «Áleýmettik medıtsınalyq saqtandyrý qory» KEAQ Astana qalalyq fılıaly dırektorynyń orynbasary.
Saqtandyrylmaǵan azamattardyń qurylymy mynadaı:
- A sanaty (áleýmettik jaǵdaıy jaqsy) – 1 200 adam,
- B sanaty – 8 000 adam,
- C sanaty (qanaǵattanarlyqsyz deńgeı) – 5 000 adam,
- D sanaty (daǵdarystyq deńgeı) – 4 000 adam,
- E sanaty (shuǵyl deńgeı) – 1 600 adam.
Aıta keteıik, 2026 jyldan bastap barlyq azamat onkoskrınıngten tegin óte alady.