Eńbekteri BUU 6 tiline aýdarylatyn kelesi avtorlardyń tizimin jasaý usynyldy
Onyń aıtýynsha, jınaqqa enýge ábden laıyq avtorlar áli dep kóp.
«Jazýshylar odaǵy bul jumysty jalǵastyrýdy ótinip Prezıdent ákimshiligine hat jazdy. Bul usynys Ulttyq komıssııada qaraldy. Komıssııa músheleri Jazýshylar Odaǵynyń usynysyn qoldady. Bolashaqta bul jumys jalǵasyn tabady. Endi Jazýshylar odaǵy kelesi antologııaǵa kirýge tıis avtorlar tizimin jasaqtaýǵa bolady», - dedi Aıda Balaeva.
Sonymen qatar, onyń aıtýynsha, bıyl «Ádebı ólketaný» jobasy aıasynda taǵy 8 óńirge ádebı ekspedıtsııa jasalady.
«Rýhanı Jańǵyrý» baǵdarlamasy aıasynda taǵy bir erekshe jobany qolǵa alǵan bolatynbyz. Jazýshylar Odaǵynyń bastamasymen, oblys ákimderiniń kómegimen «Ádebı ólketaný» jobasy iske asýda. 30-ǵa jýyq qalamger 9 óńirge ádebı ekspedıtsııa jasady. Bıyl kúzge deıin 8 oblys qamtylady. Sonyń arqasynda ádebıetimizge táýelsiz eldiń jańa kelbetine arnalǵan 50-den astam jańa shyǵarma qosyldy. Joba nátıjesinde ár óńirdiń turmys tirlishigi men tarıhy, folklory jınaqtalyp oqyrmandarǵa jetkeli otyr. Bul shyǵarmalar kitap bolyp shyǵady. Ádebı protseske serpin beretin «Ádebı ólketaný» jobasy «Uly dalanyń jeti qyry» maqalasy aıasynda órisin keńeıtýde. Barlyq quzyrly organdar ókilderi kiretin arnaıy Uıymdastyrý komıteti quryldy. Biz qazaq óneri men mádenıetiniń damýynyń jańa tarıhı jolyna tústik dep tolyq aıta alamyz», - dedi A.Balaeva.
Sondaı-aq, bıyl tuńǵysh ret Azııa qurlyǵy qalamgerleriniń birinshi forýmy ótedi. Oǵan Azııa qurlyǵynyń 46 elinen álemge áıgili 100-ge jýyq qalamger, Nobel syılyǵynyń laýreattary qatysady.
Aıta keteıik, «Jahandaǵy zamanaýı qazaqstandyq mádenıet» jobasy aıasynda qazirgi qazaq ádebıetiniń antologııalaryn BUU-nyń 6 tiline aýdarý jumysy qolǵa alynǵan bolatyn.
Búgin Dostyq úıinde 60 avtordyń shyǵarmalarynyń alǵashqy aýdarmasy kópshilikke tanystyryldy.
Kórkem shyǵarmalardy 6 tilde sóıletý úshin birneshe kezeńmen jumys atqaryldy.
Atap aıtqanda, jolma jol aýdarma, kórkem aýdarma, kórkem aýdarmaǵa ádebı redaktsııa jasaý, qazaqy uǵymdarǵa túsinikteme jazý degen sııaqty jumystar atqaryldy.
Osy maqsatta Ulybrıtanııa, Ispanııa, Frantsııa, Reseı, Qytaı aýdarmashylary Qazaqstanǵa kelip, el mádenıeti men salt dástúrimen tanysty.
Eki jyl arasynda eki antologııa aýdarmasy aıaqtalyp, alǵashqy nuqsalary qolymyzǵa tıdi. Antologııalardyń árqaısysy 10 myń danamen jaryq kórdi.
Aǵylshyn tilindegi kitaptar - álemniń 17 memleketine, arab tilindegi kitaptar Taıaý Shyǵys pen Afrıkadaǵy 22 elge, ıspan tilindegi aýdarma - álemniń 20 eline, qytaı tilindegi kitaptar 1,5 mlrd halqy bar Qytaı aýdıtorııasyna, orys tilindegi antologııa 14 elge, frantsýz tilindegi kitaptar Eýropa men Afrıkanyń 17 eliniń iri oqý oryndaryna, kitaphanalary men ǵylymı ortalyqtaryna jetkiziledi. Bıyl kúzde osy elderde antologııa tanystyrylady.
